Sekolah Unggulan

Dipentaskan Teater Lingkar

SEKOLAH  UNGGULAN

                          

KARYA  PRIE GS

PENTAS DI BUKA LEWAT TEMBANG.

Nyanyian :

Oh ibu lan rama esok kang mulya

Putra lan putrimu budhal sekolah

Budhal nak budhala sekolah kang tuhu

Sregepa sinau ngudia ilmu

Ngugemi guru tresnani kancamu

Junjungen asmane rama lan ibu

DI SEBUAH AULA / KELAS YANG BIASANYA DIPAKAI UNTUK PERTEMUAN. TUAN GURU DIDAMPINGI PROTOKOL BERTEMU DENGAN WALI MURID.

Protokol         :  Sarujuk kawula sederek – sederek, sarujuk ! Nembe kemawon putra lan putri panjenengan sedaya tetembangan tembang adiluhung. Njunjung asmane wong tuwo (tertawa) Dadi bocah lelanangin jagat yen lair lanang, dadi sekaring kedaton yen lair wadon ! Njih karena sebab menika putra lan putri panjenengan dipun kirim dateng sekolah menika. Rak mekaten to Tuan Guru…

Tuan Guru    :  Kasinggihan Dimas Pranatacara.

Protokol         :  Naa… para rawuh, kakung sumawana putri, Tuan Guru menika ingkang samangke badhe medar sabda, ngengingi babagan kelas gaya baru menika. Menapa to sejatine sekolah gaya baru menika ? Gaya baru jelas dipun pundut saking kosa kata bahasa Indonesia. Jawinipun gagrag enggal. Namung menawi kosa kata menika ingkang dipun agem, lha kok kirang kemedol ! Rak ngaten to sederek – sederek ! Nuwun sewu lho…

PENGUNJUNG TEPUK TANGAN…

Protokol         :  Naa… samangke para rawuh seget sambung rasa kalian Tuan Guru, bab tata caranipun, para rawuh rak sampun asring mersani televisi too…?